Macchar ne jo kata

Macchar ne jo kata

dil main mere junoon tha

Khujli hui itni… dil be sukoon tha

Pakra to chor diya yeh soch kar ki

kambakht ki ragon main apna hi khoon tha

Teri gali mein....

itne parey hain ab ke dandey teri gali mein

arman ho gaye sab thandey teri gali mein

ek hath mein hai kanghi, zulfein sanwarte hain

gaarein gey aashki ke jhande teri gali mein

ab kya batain zalim kaise guzartey hain

sunday teri gali mein monday teri gali mein

seene pe hath rakh k tujh ko pukartey hain

jab martey hain mundey pather teri gali mein

teraptey hain kitna zalim tujh ko taras na aaya

ker lein gey one day khudhkushi teri gali mein

hum dhoond lein gey koi deedar ka bahana

becha karein gey ab hum andey teri gali mein

idhar daake pe daaka chal raha hai

idhar daake pe daaka chal raha hai

udhar naake pe naaka chal raha hai

idhar mansooba'bandi ka hai charcha

udhar kaake pe kaaka chal raha hai

Dr. Inam-ul-haq Javed

dil mein aik laher si uthi hai abhi

heart patient ne doctor se kaha

main na ata tumhare paas kabhi

kya karoon par ke bethe bethe hi

dil mein aik laher si uthi hai abhi

Dr Inam-ul-haq Javed

"jab tere shahar se guzarta hoon"

oxygen yahaan naheen milti

phepRon ko dhuen se bharta hoon

yaad karta hon gaon ko apne

"jab tere shahar se guzarta hoon"

Anwar Masood

ki Tuk bandaa ay?

Phullaan naal Gulaaban da ki Tuk bandaa ay?

Bootaan naal jurabaan da ki tuk bandaa ay?

Main eh soch ke paper chad ayaan

Swaalaan naal jawaban da ki tuk bandaa ay?

Banen

Banen Lain Jaandeo

Banen Le Ke Aandeo

Paandeo Te Pendi Nai

Laandeo Te Lendi Nai

Le Jaave Te Dooji Waari

Paan Jo Gi Rendi Nai

Banen Mai Diyan Ga

Pao Ge To Pe Jaaye

Lao Ge Te Le Jaaye

Le Jaaye Te Dooji Waari

Paan Jo Gi Reh Jaaye

Banen Meri Vadhiya

Banen Meri Top Di

Vaddian Noo Poori Aaye

Nikeyaan De Naap Di

Chhez Huve Asli

Te Moo?on Paee Boldi

Thoop Nalo Gori Lage

Rassi Utte Doldi

Jinne Varrey Chao Tussi

Ais Noon Handaa Lo

Fer Paanven Bachayaan Da

Jhaangia Bana Lo

Anwar Masood

Khilaf-e-shara kabhi shekh thookta bhi nahi

Khilaf-e-shara kabhi shekh thookta bhi nahi

magar andhere ujale me chookta bhi nahi

ye mai bataun ke marne ke baad kya hoga

pulao khaenge ehbaab fateha hoga

nafs ke tabey hue imaan rukhsat ho gaya

wo zanane me gaye mehmaan rukhsat ho gaya

baham shabe wisal ghalat fehmiyan huyin

mujhko pari ka shubha hua unko bhoot ka

Akbar dabe nahi kisi sultan ki fauj se

lekin shaheed ho gaye begum nauj se

Akbar Allahabadi

ilhaaj-e-muhaqiq

kaata hai hajj e ka'abe ka safar bhi

surror-o-kaif ke saaghar lundhaate

yaheen gaaRi mai huqqa mil gaya tha

karachi tak gaye hain kash lagaate

kal jo hua hai daf'aatan us se mera mukaalma

kal jo hua hai daf'aatan us se mera mukaalma

khoobi-e-ikhtisaar ka tajruba kuch "unique" hai

main ne kaha ke "Bazm-e-Naaz" us ne kaha ke "Kya kaha"

main ne kaha ke "Kuch nahin" us ne kaha ke "Theek hai"

pankhay ki ruki nabz chalaane kay liye aa

pankhay ki ruki nabz chalaane kay liye aa

kamre ka bujha balb jalaane kay liye aa

tamheed-e-judaai hai agarchay tera milna

"aa phir se mujhe choR kay jaane kay liye aa"

Anwar Masood

Tujhe Mujh Se, Mujh Ko Tujh Se, Jo Bohot Hi Pyaar Hota

Tujhe Mujh Se, Mujh Ko Tujh Se, Jo Bohot Hi Pyaar Hota

Na Tujhe Qaraar Hota, Na Mujhe Qaraar Hota

Tera Har Marz Ulajhta, Meri Jaan-E-Na’tawan Se

Jo Tujhe Zukaam Hota To Mujhe Bukhaar Hota

Jo Mai Tujh Ko Yaad Karta, Tujhe Cheenkna Bhi Parta

Mere Sath Bhi Yaqeenan Yahi Baar Baar Hota

Kisi Chawk Mai Lagate Koi Chooriyun Ka Khokhaa

Tere Shehr Mai Bhi Apna, Koi Kaarobaar Hota

Gham-o-Ranj Aashiqaana, Nahi Calculatoraana

Usse Mai Shumaar Karta, Jo Na Be-Shumaar Hota

Wahan Zair-E-Behs Aate, Khad-O-Khal-O-Khuye Khoobaan

Gham-E-Ishq Par Jo Anwer, Koi Seminar Hota

Anwar Masood

Jis Shakhs Ko Uppar Ki Kamaii Nahi Hoti

Jis Shakhs Ko Uppar Ki Kamaii Nahi Hoti

Society Is Ski Kabhi “High” Nahi Hoti

Tab Tak To Bhari Bazm Mai Lagta Hai Moaziz

Jab Tak Ke Ghazal Us Ne Sunaaii Nahi Hoti

Police Kara Leti Hai Har Cheez Bar’aamad

Us Se Bhi Ke Jis Ne Yeh Churaaii Nahi Hoti

Karti Hai Ussi Roz Wo Shopping Ka Taqaza

Jis Roz Meri Jaib Mai Paaii Nahi Hoti

Inam Ul Haq

Sent Ki, Kajley Ki, Aur Ghaazey Ki Gulkaari Ke Baad

Sent Ki, Kajley Ki, Aur Ghaazey Ki Gulkaari Ke Baad

Wo Haseen Lagti Hai Lekin Kitni Tayari Ke Baad

Muddaton Ke Baad Us Ko Dekh Kar Aesa Laga

Jese Roza-Daar Ki Haalat Ho Aftaari Ke Baad

Baandh Kar Sehraa Nazar Aaya Hai Yun Nosha Miyan

Jis Tarha Mujrim Dikhai Deta Hai Giriftaari Ke Baad

Heroine Pachpan Baras Ki Ho Chuken To Gham Nahi

Ab Gulukaari Karengi Wo Adaa-Kaari Ke Baad

Qaum Ko Baidaar Ker, Disco Music Cher Kar

Jo Bechari So Chuki Hai Raag Darbaari Ke Baad

Eid Par Masroor Hain Dono Miyan Biwi Bohot

Ik Khareedaari Se Pehle, Ik Khareedaari Ke Baad

Uqd-e-Saani Ka Maza Poocha To Bole Sheikh Ji,

Aese Lagta Hai, Chicken Chakkha Hai Tarkaari Ke Baad

Raah-E-Ulfat Ki Traffic Ho Ke Motor-Way Ki Ho

Haadsey Hote Hain Shahid, Taiz-Raftaari Ke Baad

Sarfaraz Shahid

Ya Rab Dil-E-Jaidi Ko Ek Zinda Tamanna De

Ya Rab Dil-E-Jaidi Ko Ek Zinda Tamanna De

Tu Khuwab Ke Pyaase Ko Tabeer Ka Dariya De

Es Baar Makaan Badlun To Aesi Parosan Ho,

Jo Qalb Ko Garma De Aur Rooh Ko Tarpaa De

Ather Shah Khan Jaidi

Wese To Zindagi Mai Kuch Bhi Na Us Ne Paaya

Wese To Zindagi Mai Kuch Bhi Na Us Ne Paaya

Jab Dafan Ho Gaya To Shair Ke Bhaag Jaage

Wo Saadgi Mai Un Ko Do Saamaeen Samjha,

Bas Aathween Ghazal Par Munkir Nakeer Bhage

Ather Shah Khan Jaidi

Mera Beta To Baaligh Nazar Ho Gaya

Dakhla College Mai Us Ne Kiya Le Liya

Larkiyun Mai Bara Motabar Ho Gaya

Khirkiyun Se Nazar Us Ki Hat’ti Nahi

Mera Beta To Baaligh Nazar Ho Gaya

Ather Shah Khan Jaidi